Aktori dhe mjeshtri i arteve marciale Chuck Norris ka ndërruar jetë, sipas raportimeve të publikuara nga TMZ.
Sipas familjes së tij, Norris u nda nga jeta të enjten në mëngjes në Hawaii. Në një deklaratë prekëse, familjarët bënë të ditur: “Me zemra të thyera ndajmë lajmin për ndarjen e papritur nga jeta të të dashurit tonë Chuck Norris dje në mëngjes. Ndërsa dëshirojmë të ruajmë privatësinë mbi rrethanat, ju lutemi të dini se ai ishte i rrethuar nga familja dhe në paqe.”
Në mesazhin e tyre, familja theksoi se ai “jetoi jetën me besim, qëllim dhe një përkushtim të palëkundur ndaj njerëzve që donte”.
Chuck Norris u bë i njohur botërisht si një ikonë e filmave aksion dhe arteve marciale gjatë viteve ’80, me role në filma si The Delta Force dhe Missing in Action. Ai fitoi edhe më shumë famë në vitet ’90 me rolin e rangerit të Teksasit, Cordell Walker, në serialin televiziv Walker, Texas Ranger.
Në dekadat e fundit, Norris ishte tërhequr kryesisht nga aktrimi, duke u shfaqur vetëm në role të vogla, përfshirë paraqitjen e tij në filmin The Expendables 2.
Largimi i tij shënon fundin e një epoke për kinemanë aksion dhe për fansat e arteve marciale në mbarë botën.
Burimi: botasot.info
