‘Vdekje misterioze’/ Gjendet një trup i pajetë pranë një makine të djegur në Saksoni

1 minut lexim

Një vdekje misterioze cilësohet ajo e zbuluar mëngjesin e sotëm nga ekipet zjarrfiksëse, të cilat u thirrën për të shuar flakët në një automjet që po digjej në katin e dytë të një parkingu në Buchholz në Nordheide (rrethi Harburg, Saksonia e Ulët).

Rreth orës 6:15 të mëngjesit, kalimtarët vunë re një makinë të djegur në katin e dytë të garazhit të parkimit jugor në Rütgerstrasse. Rrethanat e vdekjes janë ende të paqarta. Kur ekipet e para të shpëtimit mbërritën në vendin e zjarrit, para makinës gjetën një burrë të pajetë.

Aktualisht është e paqartë nëse burri ka vdekur për shkak të zjarrit të makinës apo rrethanave të tjera. Megjithatë, në trup kishte shenja të qarta djegieje.

Policia ka nisur hetimet. Njësitë zjarrfikëse kanë shuar flakët dhe kanë penguar përhapjen e tyre në automjetet e tjera të parkuara. Garazhi i parkimit është mbyllur plotësisht në mëngjes nga zjarrfikëset dhe hetimet policore.

Burimi: botasot.info

Story i mëparshëm

Aksident i frikshëm në Durrës/ Shoferja humb kontrollin e automjetit dhe përfundon në kanalin e ujërave të zeza

Story i radhës

Arrijnë pajisjet mjekësore për QMF-të dhe Urgjencën në Prishtinë

Të fundit nga