Inspektorati Shtetëror Shëndetësor dhe Sanitar me mbikëqyrjen e jashtëzakonshme inspektuese të Klinikës së Fëmijëve, Klinikës në Kozle dhe klinikës private Eholab, përcaktuan trajtimin dhe mënyrën e trajtimit të vajzës 14-muajshe e cila ndërroi jetë disa ditë më parë. Siç thonë, trajtimi ka filluar më 30 shtator te mjeku amë, ku përveç skuqjes së fytit dhe simptomave të të vjellave, nuk është konstatuar asgjë në mushkëri apo temperaturë të ngritur. Në të njëjtën ditë foshnja është ekzaminuar në Klinikën e Fëmijëve nga mjeku kujdestar, i cili ka konfirmuar diagnozën e mjekut amë. Më 3 tetor është bërë ekzaminimi i dytë te mjeku amë. Është dhënë udhëzim për në Klinikën e Fëmijëve, ku janë kryer disa ekzaminime, me udhëzime për analiza laboratorike dhe gazrat. Të nesërmen, më 4 tetor, prindërit me iniciativën e tyre e çojnëfëmijën në Klinikën Kozle, ku u mbajt për trajtim spitalor për shkak të bronkitit akut. Aty i është bërë analiza dhe terapia, por meqë terapia nuk ka funksionuar, më 5 tetor është transferuar në Klinikën e Fëmijëve. Të njëjtën ditë në orët e para të mëngjesit gjendja e vajzësështë përkeqësuar, është bërë reanimim, por pa sukses. Një komision ekspertësh do të shqyrtojë nëse ka pasur gabime mjekësore në këtë rast./TV21/
Burimi: tv21
