Nga BDI përmes një pres konference kanë reaguar duke kërkuar dorëheqjen e drejtorit të Klinikës Rexhep Mehmedi shkaku i fëmijës 14 muajsh që ndërroi jetë.
“Kjo paraqitje për media duheshte asnjëherë mos të ndodh.
Sot jemi këtu se një foshnje 14 muajshe u nda nga jeta ditë më parë.
Fillimisht shprehim ngushëllimet më të sinqerta për prindërit dhe familjarët duke ndarë dhimbjen së bashku me ta.
Që nga fillimi me punë i kësaj Qeverie, ne si BDI kemi shprehur vërejtjet dhe shqetësimet e tona lidhur me planin e funksionimit të sistemit shëndetësor në vend nga ana e Ministrit të Shëndetësisë, Arben Taravarit.
Foshnja 14 muajshe vdiq sepse nuk mori trajtimin e duhur nga institucioni kompetent, repektivisht në Klinikën e Fëmijëve në Shkup, drejtor i së cilës është Rexhep Memedi i cili ka akomofuat edhe kushëririn e vet Alajdin Memedi bashkë me të cilin akuzohen për korrupsion.
Ditët po kalojnë dhe Drejtori Mehmedi vazhdon të mos ketë sy e vesh për një skandal të të rradhës të institucionit ku ai është drejtor, e që për pasojë humbi jetën një fëmijë 14 muajsh, ndërsa më herët rriheshin fëmijët nga punonjësit dhe ju ndaloheshte të flasin shqip.
Sigurisht është i zënë duke punuar maksimalisht për ti punësuar
familjarët e tij, kusheririn e tij dhe njëherit edhe për tia mbuluar skandalet për abuzim financiar po në këtë klinikë të njejtit.
Gjithashtu, edhe Ministri Taravari i cili është i hutuar krejtësisht duke u shëtitur nëpër lagje e qytete në tentim për tia vjedhur partinë dhe vulat e ASH-së ish kryetarit të tij Zijadin Sela, aspak nuk ndjen obligim moral dhe motivacion moral për të vepruar si njeri në këtë situatë.
Përkundrazi, ai tenton të relativizoj gjithë këtë situatë, e cila në një vend normal do të kishte rezultuar jo vetëm me dorëheqjen e tij dhe drejtorit te paafte Memedi.
Ne i bëjmë thirrje, Arben IK. Çliroi shqiptarët dhe të gjithë të tjerët, mos i merr në qafë.
Ti i humbe zgjedhjet dhe je aty si i preferuar i Mickovskit dhe VMROsë, historia do të të kujtojë si vazal dhe i pa aftë.
BDI kërkon nga personat kompetent përgjegjësi morale për rastin në fjalë dhe hetim të plotë, transparent deri në konstatimin e përgjegjësisë juridike të fajtorëve” – thonë nga BDI.
Burimi: TV KLAN
