Vazhdon shkyçja nga rrjeti i ujësjellësit ndaj konsumatorëve me detyrime të papaguara në Mitrovicë

Është duke vazhduar procesi i shkçjes së konsumatorëve me detyrime të papaguara, nga rrjeti i ujësjellësit.

Sipas njoftimit, ekipet do të vazhdojnë punën në terren edhe gjatë ditëve në vijim.

“Procesi i shkyçjes së konsumatorëve nga ujësjellësi po vazhdon në tërë rajonin e Mitrovicës për ata që kanë detyrime të papaguara dhe nuk i janë përgjigjur vërejtjeve të dërguara paraprakisht nga KRU “Mitrovica”. Këto aktivitete do të vijojnë edhe në ditët në vazhdim”, thuhet në njoftim.

KRU “Mitrovica” ka ftuar konsumatorët t’i përgjigjen vërejtjeve dhe t’i kryejnë obligimet e tyre me kohë, për të shmangur shpenzimet shtesë që lidhen me procedurat e shkyçjes dhe ri-kyçjes.