Shkup, 29 nëntor – Në Gjykatën Themelore Penale të Shkupit, sot ka vazhduar gjykimi për rastin “Softuerët”, në të cilin akuzohet ish-sekretari i përgjithshëm i Qeverisë, Dragi Rashkovski, së bashku me gjashtë persona të tjerë për veprën e paligjshme, furnizim i softuerit.
Prokuroria në seancën e sotme vazhdoi me paraqitjen e dëshmive, në të cilat shpjegoi një pjesë të komunikimit ndërmjet të pandehurve që ka të bëjë me blerjen e softuerit dhe filloi me marrjen në pyetje të dëshmitarit Aleksandar Pejçinovski.
Në seancën e sotme gjithashtu Avokati i Popullit kërkoi kërkesë pronësore nga të pandehurit në shumë prej 18.794.137 denarëve.
Gjykimi për rastin “Softuerët” është në procedurë dëshmuese dhe e udhëheq gjyqtarja Fanka Jançulleva Mihaillovska, ndërsa përfaqësuese e prokurorisë është Ivana Trajçevska.
Sipas aktakuzës, Rashkovski akuzohet për veprat penale “Keqpërdorim të detyrës zyrtare dhe autorizimit zyrtar” dhe “Pastrim të parave dhe produkteve të tjera nga veprat penale”. Personat I.D., I.H., D.S., I.I., I.I. dhe M.S. akuzohen për “Shpërdorim të pozitës dhe autorizimit zyrtar” nga Kodi Penal.
Burimi: zhurnal.mk
