Shkup, 6 dhjetor – Në Kuvend sot vazhdon debati i amendamenteve për Propozim-buxhetin për vitin 2023. Nga të gjitha partitë politike janë dorëzuar 263 amendamente dhe deri më tani janë pranuar më shumë amendamente të propozuara.
Sipas projeksioneve në propozim-buxhetin, të hyrat e përgjithshme janë planifikuar në nivel prej 282,1 miliardë denarë dhe janë për 14,8 për qind më të larta në krahasim me vitin 2022, ndërsa shpenzimet janë planifikuar në nivel prej 324,8 miliardë denarë ose 12,6 për qind më të larta se në vitin 2022. Deficiti buxhetor është projektuar në nivel prej 4,6 për qind nga PBV-ja e planifikuar ose 42,7 miliardë denarë, ndërsa shpenzimet e përgjithshme në 324,8 miliardë denarë, që është 36,3 miliardë denarë më shumë se buxheti për vitin 2022.
Burimi: zhurnal.mk
