Numri i ushtarëve rusë të mbajtur nga Ukraina ka rënë nga 900 në prill në 550 pas një sërë shkëmbimesh. Moska ka mbi 5,600 trupa ukrainase në robëri, të zgjeruara me dorëzimin e 2,500 në Mariupol, duke përfshirë anëtarët e batalionit Azov, raporton Independent, përcjell “Bota sot”.
Si Kievi, ashtu edhe Moska po zhvillojnë gjyqe shumë të publikuara për të burgosurit e luftës.
Gjykatat ukrainase në Kiev dhe afër Kharkiv kanë dënuar ushtarët rusë me akuza për krime lufte, duke dhënë dënime të gjata. Iryna Venediktova, prokurorja e përgjithshme e vendit, tha të mërkurën se ka paraqitur tetë raste të tjera.
Dy britanikë, Aiden Aslin dhe Shaun Pinner, të cilët u kapën duke shërbyer me forcat ukrainase në Mariupol janë në gjyq në Republikën separatiste Popullore të Donetsk, ku prokurorët thonë se ata përballen me dënimin me vdekje për “terrorizëm” dhe “mercenarë”.
