Më shumë se 700 civilë janë vrarë në qytetin verior të Chernihiv, tha kreu i këshillit të qytetit Oleksandr Lomako për BBC, përcjell Bota sot.
Tre javë pasi trupat ruse hoqën rrethimin e tyre të qytetit, varre të reja janë ende duke u gërmuar në varrezat kryesore. Dy fusha janë plot me varre dhe një e treta po gërmohej nga toka kur ishim ne atje.
Rreth një e katërta kishin lule, llamba, fruta dhe sende të tjera të vendosura pranë tyre, gjë që sugjeronte se ata ishin vizituar nga të afërmit e të ndjerit. Por pjesa tjetër ishte shënuar me pllaka në shkopinj druri që tregonin emrat, si dhe datat e lindjes dhe vdekjes.
Ne takuam një grua që po kërkonte varret e motrës dhe burrit të saj, të cilët të dy u vranë nga granatimet. “Ishin njerëz paqësorë, ishin kërcimtarë”, tha ajo. Ajo nuk e dinte nëse trupat e tyre ishin gjetur, apo ku ishin varrosur.
