Edhe pse Megan Fox ka vendosur t’i japë fund lidhjes së saj me Machine Gun Kelly , të dy kanë çdo qëllim që të punojnë së bashku për të rritur në mënyrë harmonike vajzën e tyre.
Ylli i “Transformers” dhe reperi mirëpritën vajzën e tyre më 27 mars, me një burim që zbuloi për Page Six se, “ndonëse ata nuk jetojnë së bashku, Fox po lejon që ish-partneri i saj të qëndrojë me të në mënyrë që ai të kalojë sa më shumë kohë me fëmijën”.
“Ish-çifti ende nuk ka vendosur një plan specifik të kujdestarisë së përbashkët. Gjithçka që duan tani është të festojnë lindjen dhe të shijojnë momentet e para me vajzën e tyre”, tha i njëjti burim, duke shtuar se Mashin Gan Kelly ishte në dhomën e lindjes kur vajza e tyre lindi.
Lajmin e lumtur e ka bërë të ditur reperi përmes një postimi në Instagram. “Më në fund, Fara jonë e vogël qiellore ka ardhur ,” shkroi ai.
Disa fansa kishin supozuar në atë kohë se “Fara Qiellore” ishte emri i foshnjës. Megjithatë, ai adresoi konfuzionin e shkaktuar nga postimi i tij fillestar në një Instagram Story. “Djema, prisni… atë nuk e quajnë atë “Fara Qiellore. Mamaja e saj do t’ju tregojë emrin kur të jemi gati,” sqaroi ai .
Ish-çifti u divorcua në nëntor 2024, vetëm dy javë pasi njoftuan se ishin në pritje të fëmijës së tyre të parë. Raportimet flisnin për komunikim të kufizuar mes tyre, megjithëse kishin shkëmbyer disa mesazhe, pasi Megan Fox kërkon që ish-partneri i saj të ketë një rol aktiv në jetën e fëmijës së tyre. Edhe pse njerëzit e afërt të yllit 38-vjeçar kishin pohuar se Machine Gun Kelly po e tradhtonte, ai i kishte mohuar akuzat.
“Pavarësisht marrëdhënieve të tyre miqësore, aktorja duket se nuk ka ndërmend të rilidhet me muzikantin. Ajo i ka thënë atij se marrëdhënia e tyre ka përfunduar përgjithmonë,” tha një burim për Us Weekly.
Burimi: botasot.info
