Ushtria izraelite tha sot se ka interceptuar një raketë “të lëshuar nga Jemeni” drejt qytetit të saj jugor Eilat, transmeton Anadolu.
Raketa “nuk ka shkelur hapësirën ajrore izraelite”, thuhet në deklaratën e ushtrisë, e cila erdhi pasi një dron kamikaz shkaktoi një shpërthim brenda një oborri shkolle në Eilat.
Burimet izraelite të sigurisë kanë sugjeruar se rebelët Houthi në Jemenin verior mund të kenë qenë pas lëshimit të dronit.
Grupi, i cili nuk ka komentuar mbi këtë çështje, në disa raste të mëparshme kishte konfirmuar lëshimin e dronëve dhe raketave kamikaze në objektiva brenda Izraelit në përgjigje të sulmeve të vazhdueshme izraelite në Rripin e Gazës.
Të hënën e kaluar, ata u zotuan të kryejnë “më shumë operacione ushtarake për të mbështetur gjendjen e vështirë të popullit palestinez dhe në përgjigje të thirrjeve të popullit tonë dhe të gjithë kombeve të Umetit derisa agresioni i egër izraelit në Gaza të ndalet”.
