Ministri i Brendshëm i Ukrainës, Ihor Klymenko njoftoi se 4 persona kanë humbur jetën ndërsa 9 të tjerë janë plagosur pasi raketa ruse goditi një ndërtesë në qytetin Lviv, transmeton Anadolu.
Në një deklaratë nga llogaria e tij në median sociale, Klymenko tha se mbrëmë ushtria ruse ka kryer sulm kundër civilëve.
Duke shpjeguar se në vendngjarje vazhdojnë punimet e kërkim-shpëtimit, Klymenko tha: “Që nga mëngjesi kanë humbur jetën 4 persona dhe janë plagosur 9 të tjerë. Ndërkohë janë shpëtuar 7 persona dhe janë evakuuar 64 të tjerë”.
Klymenko tha se kanë informacione se ende ka njerëz të bllokuar nën rrënoja.
Shtabi i Përgjithshëm i Ukrainës tha se në 24 orët e fundit Rusia ka kryer sulm me 5 mjete ajrore pa pilot në Ukrainë dhe se të gjithë objektivët janë shkatërruar nga sistemet e mbrojtjes.
Më tej thuhet se ushtria ruse në ditën e fundit ka kryer 59 sulme ajrore ndaj vendbanimeve dhe pozicioneve ushtarake të Ukrainës si dhe 65 goditje nga sistemet multi-raketahedhëse.
