Shtëpia evropiane e futbollit vendosi që Rusisë, t’i merr të drejtën e organizimit të finales së Ligës së Kampionëve, për shkak të luftës në Ukrainë. Sfida për titullin e kampionit në garën elitare duhej të zhvillohej në Shën Petersburg dhe ajo u zhvendos në Paris, ku Reali mundi Liverpullin me 1-0.
Aleksej Sorokin, përfaqësues i Federatës Ruse të Futbollit, zbuloi se UEFA nuk mbeti pa u ndëshkuar me këtë rast dhe se ka shlyer të gjitha “borxhet” ndaj drejtusve të futbollit rus.
“Janë mbyllur të gjitha shpenzimet me kontraktorët që kanë pasur kosto në përgatitjen e finales dhe UEFA ka mbuluar të gjitha detyrimet që ishin në kontrata”, tha Sorokin.
Kujtojmë se Vinisius Zhunior ishte vendimtar në Paris, duke siguruar titullin e 14-të në Ligën e Kampionëve.
