Sportistja Elnaz Rekabi është kthyer në Iran dhe është pritur si një heroinë nga një turmë brohoritëse.
Ajo mbërriti në orën 5 të mëngjesit në aeroportin e Teheranit pasi avioni i saj u ul nga Seuli.
Ajo kishte veshur një xhaketë të zezë me kapuç dhe kapele bejsbolli.
“Për shkak të situatës në finalen e konkursit dhe për faktin se u thirra për të konkurruar kur nuk e prisja, e gjeta veten të ngatërruar në pajisjet e mia teknike.
Kjo është arsyeja pse nuk i kushtova rëndësi vellos që duhej të kisha veshur.
U ktheva në Iran në paqe, me shëndet të përsosur dhe sipas orarit të planifikuar. I kërkoj falje popullit iranian për tensionet që janë krijuar”, u shpreh në një deklaratë për mediat.
