Sarah Jessica Parker ndau lajmin tronditës se njerku i saj i dashur, Paul Giffin Forste, është ndarë nga jeta në moshën 76-vjeçare.
“Familja jonë është e pikëlluar të njoftojë se pas një sëmundjeje të papritur dhe të shpejtë, Paul Giffin Forste ndërroi jetë dje në moshën 76-vjeçare”, tha familja e yllit të “Sex and the City” në një deklaratë të enjten. “Në momentet e tij të fundit ai ishte i rrethuar me dashurinë dhe mirënjohjen e gruas së tij të adhuruar Barbara prej 54 vitesh dhe fëmijëve, përfshirë Sarah Jessica Parker.”
Page Six raportoi të mërkurën mbrëma se Parker nuk mori pjesë në New York City Ballet Fall Fashion Gala për shkak të një “situate të papritur shkatërruese familjare”.
Parker është nënkryetare e Bordit të Drejtorëve të NYCB. Ajo ishte gjithashtu organizatorja pas Gala-s së Modës së Vjeshtës, e cila u festua për herë të parë një dekadë më parë.
