Një tërmet me magnitudë 4.8 ballë sipas shkallës së Rihterit goditi provincën veriperëndimore turke Bolu, transmeton Anadolu.
Presidenca për Menaxhimin e Fatkeqësive dhe Emergjencave (AFAD) njoftoi se tërmeti është regjistruar në orën 13:55 sipas kohës lokale.
AFAD njoftoi se epiqendra ishte në Bolu dhe u regjistrua në një thellësi prej 8.13 kilometrash.
Më 6 shkurt dy tërmete me intesitet 7.7 dhe 7.6 ballë goditën 11 provinca turke – Adana, Adiyaman, Diyarbakir, Elazig, Hatay, Gaziantep, Kahramanmaras, Kilis, Malatya, Osmaniye dhe Sanliurfa, duke shkaktuar rreth 50 mijë viktima.
Më shumë se 13.5 milionë njerëz në Turkiye u prekën nga tërmetet shkatërruese si dhe shumë të tjerë në veri të Sirisë.
