Të paktën 16 shtetas të huaj janë arrestuar në operacione kundër grupit terrorist DAESH në veriperëndim të Türkiye-s, raporton Anadolu Agency (AA).
Sipas një burimi të sigurisë, forcat e sigurisë në provincën Bursa kryen operacione të njëkohshme për kapjen e të dyshuarve, të cilët u zbulua se vepronin në emër të organizatës terroriste në Siri dhe Irak.
Të dyshuarit janë shtetas sirianë, irakianë dhe azerbajxhanas.
Në vitin 2013, Türkiye u bë një nga vendet e para që e shpalli DAESH-in grup terrorist.
Vendi që atëherë është sulmuar disa herë nga grupi terrorist, ku mbi 300 njerëz u vranë dhe qindra të tjerë u plagosën në të paktën 10 sulme vetëvrasëse, shtatë sulme me bomba dhe katër sulme të armatosura.
Si kundërpërgjigje, Türkiye nisi operacione antiterroriste brenda dhe jashtë vendit për të parandaluar sulme të mëtejshme.
