Në operacionet e policisë turke në gjashtë qytete janë arrestuar 22 të dyshuar, për të cilët është konstatuar se kishin financuar anëtarët e organizatës terroriste DHKP-C, raporton Anadolu Agency (AA).
Ekipet e departamentit të anti-terrorit ndërmorrën operacione të arrestimit të personave që kishin trasferuar para anëtarëve të organizatës e cila vepron në emër të DHKP-C.
Pas ndjekjes teknike dhe fizike, policia identifikoi 28 persona dhe kreu bastisje të njëkohshme në disa adresa në Ankara, Bursa, Hatay, Istanbul, Kocaeli dhe Mersin. Gjatë operacioneve u arrestuan të paktën 22 persona, kurse janë sekuestruar një numër i konsiderueshëm dokumentacioni dhe materiali dixhital.
Personat e arrestuar janë dërguar në polici për hetime të mëtejshme.
