Presidenti Donald Trump ka shtyrë dy herë dëbimin e TikTok nga Shtetet e Bashkuara ndërsa ditën e Dielë tha se do të ishte i gatshëm ta bënte përsëri nëse lind nevoja.
Axios raportoi gjatë një interviste me NBC se Trump kishte thënë se nëse një marrëveshje për shitjen e operacioneve Amerikane të TikTok tek një kompani Amerikane nuk arrihet përpara afatit të radhës që është më 19 Qershor, ai do të garantonte një tjetër shtyrje.
“Mbase nuk duhet ta them këtë por TikTok ka një vend të veçantë në zemrën time,” tha ai.
Kongresi vitin e kaluar kaloi një ligj që ndalon përdorimin e TikTok nëse platforma nuk shitej tek një kompani Amerikane. Në Janar për pak momente TikTok u zhduk ndërsa Trump deklaroi se do të shtynte dëbimin për 90 ditë duke sugjeruar se dëshiron të shohë një kompani Amerikane në posedim të platformës.
Kur afati i radhës përfundoi në Prill, Trump i dha edhe 75 ditë të tjera shtesë duke theksuar se qeveria Kineze nuk ishte e lumtur me tarifat. /PCWorld Albanian
Burimi: pcworld.al
