Ministri i Punëve të Jashtme i Republikës Turke të Qipros Veriore (TRNC), Tahsin Ertuğruloğlu, ka deklaruar se nuk bëhet fjalë për ndalimin e punimeve për Projektin e Rrugës Pile-Yiğitler dhe se rruga do të bëhet patjetër, transmeton Anadolu.
Në një deklaratë për Institucionin e Radio Televizionin Bayrak (BRT) të televizionit shtetëror të TRNC-së, Ertuğruloğlu tha se vazhdojnë bisedimet mes TRNC-së dhe Kombeve të Bashkuara (OKB) për çështjen e rrugës Pile dhe se në orët e mëngjesit ka biseduar me Colin Stewart, përfaqësuesin special të OKB-së për çështjen e Qipros.
Pasi theksoi se lajmet në disa media se janë ndërprerë punimet e Projektit të Rrugës Pile-Yiğitler nuk pasqyrojnë të vërtetën, Ertuğruloğlu tha se, “Nuk bëhet fjalë për ndalimin e punimeve të Projektit të Rrugës Pile-Yiğitler. Kjo rrugë do të bëhet patjetër”.
