Policia e Durrësit ka bërë reagimin e parë pas ngjarjes që tronditi qytetin e Durrësit.
Në shtëpinë e presidentit të FSHF, Armand Duka u vendos një sasi tritoli.
Shpërthimi ka qenë i fuqishëm dhe është dëgjuar në një distancë të konsiderueshme.
Policia thotë se lënda plasëse është vendosur në portën e jashtme të banesës.
Njoftimi i Policisë
Durrës/Informacion paraprak
Më datë 24.01.2022, rreth orës 22:10, në lagjen nr. 4, Durrës, para portës së shtetasit A. D. dyshohet se ka shpërthyer një sasi lënde plasëse. Si pasojë e shpërthimit janë shkaktuar vetëm dëme materiale në portën e jashtme të banesës.
Grupi hetimor ndodhet në vendngjarje dhe po punon për sqarimin e rrethanave të ngjarjes.
