“Analizat funksionale janë mjete të nevojshme në çdo institucion për të parë se sa nga punonjësit kryejnë detyrat e punës me cilësi, nëse i kushtojnë gjithë kohën e tyre të punës, nëse kanë angazhim pune për atë pozicion për të punuar me kohë të plotë dhe në bazë të kësaj të bëjnë një riorganizim i brendshëm”, tha ministrja e Punës dhe Politikës Sociale Jovana Trençevska në “Argument Plus” në “TV24”.
Ajo shtoi se nuk do të ketë pushime nga puna, por përmes mobilitetit dhe transferimit, punonjësit do të shkojnë në ato institucione ku mungon një personel i tillë.
“Në asnjë moment gjatë zbatimit të planit për qëndrueshmëri fiskale nuk ka pasur shkarkime, ulje pagash, apo ulje të të drejtave.
Plani është që të bëhen kursime, që çdo punëtor të tregojë rezultate dhe në fund çdo qytetar të marrë shërbim më cilësor. Me vite flitet që administrata nuk ofron shërbime cilësore”, tha Trençevska.
