Duke përdorur celularë të enkriptuar dhe nëpërmjet aplikacioni Skype dhe të cilin e kanë përdorur anëtarët e grupit të organizuar krimine, grupi nga Gërçeci siç bëri të ditur ministri i Punëve të Brendshme, Oliver Spasovski ka arritur t’i korrdinojë aktivitetet kriminele për kontrabandë me kokainë dhe vrasje, transmeton TV21/
“Blinin kokainë nga shtetet e Amerikës së jugut, para se gjithash nga Kolumbia, Ekuadori, Brazili, Peru dhe Bolivi, dërgimin e saj në vendet e Bashkimit Europian kurse një pjesë ka qenë e destinuar edhe për narko-tregun e Maqedonisë së Veriut”, tha Spasovski.
Vetëm gjatë periudhës prej dhjetorit 2019 deri në mars 2021 ai bëri të ditur se janë transportuar kjo sasi e drogës.
“Ka realizuar dy furnizime dhe transport të kokainës nga shtetet amerikane – latine deri te shtetet e Bashkimit Europian dhe Republikës së Maqedonisë së Veriut dhe atë transport të 435 kilogram drogë narkotike kokainë të blerë nga grupi në Brazil dhe i transportuar nëpërmjet rrugëve ujore deri te përfaqësimi në Belgjikë, sasi e cila është konfiskuar nga nëpunësit doganorë në Belgjikë, ku një pjesë e sasisë së caktuar duhej të përfundonte edhe në tregun ilegal në Maqedoninë e Veriut. Transport të 106 kilogram të drogës narkotike – kokianë e cila ka arritur nga Peruja deri në Holandë, ku një pjesë duhej të sillej edhe në Maqedoninë e Veriut. Grupi i caktuar ka realizuar edhe disa transporte nga Belgjika për Maqedoninë e Veriut por edhe nga Shqipëria për në Maqedoninë e Veriut”, tha më tej Spasovski.
“Janë siguruar dëshmitë se organizatori i grupit Sh.M., bashkë me anëtarët e grupit kanë bërë përpjekje për vrasje të personit nga fshati Bardovcë, vrasje të shtetasit të Shqipërisë, trupi i të cilit ishte gjendur më 15 maj 2020 në fshatin Matkë të Shkupit dhe vrasjen e dyfishtë më 5 mars të 2021 në Shkup ku u vranë A.B dhe B.V.”, shtoi më tej i pari i Punëve të Brendshme./TV21
Burimi: tv21
