Një amerikan dhe dy spanjollë e pësuan sot duke u shpuar nga brirët e demave në vrapimin e emocionues festivalit të San Fermin në rrugët e kalldrëmta të Pamplona.
Tufa e demave u ndanë në grupe të veçanta, dhe një prej tyre mbeti prapa të tjerëve, duke e bërë kursin të paparashikueshëm për dashamirësit.
Disa vrapues u rrëzuan gjatë mësymjes së demave në rrugët e ngushta, ndërsa në pamjet televizive shihej një prej demave që godiste vrapuesin duke e ngritur në ajër me bri.
Një 29-vjeçar spanjoll u godit me bri në gju ndërsa dy të tjerë u goditën brenda arenës së demave të qytetit, në fund të vrapimit.
Një prej tyre ishte një 25-nga Florida që u godit në këmbë dhe tjetri në 29-vjeçar spanjoll që u godit në mes të këmbëve.
Gjashtë dema e gjashtë qe dolën në kursin e vrapimit teksa njerëzit avanconin anash tyre, duke arritur në fund të itinerarit, brenda arenës së demave në 3 minuta e gjysmë.
Goditja e parë me bri në festival ndodhi të shtunën një spanjoll 39-vjeçar spanjoll u shpua nga briri në të pasme.
Gjashtëmbëdhjetë njerëz kanë vdekur në festivalin e demave që prej vitit 1910. Vdekja më e fundit ndodhi në 2009 kur një 27-vjeçar spanjoll u godit për vdekje në qafë e në trup.
Prindërit e tij kishin sjellë sivjet tufa me lule në festival për 13 vjetorin e vdekjes.
Në pamjet televizive shihej një dem që godiste vazhdimisht një vrapues duke e përplasur në barrierat e drunjta, dhe më pas teksa sulmonte një tjetër në këmbë.
Spektakli zgjati pak më shumë se tre minuta në itinerarin rreth 900 metra të vrapimit në rrugët e kalldrëmta në veri të qytetit.
Më pas demat dilnin në arenën e toreadorëve të qytetit ku vijojnte trauma e tyre ne duelet vrastare.
Disa vrapues të tjerë u trajtuan për rrëzimet gjatë vrapimit.
