Një djaloshi tetëvjeçar britanik iu desh një operacion tre-orësh pasi u sulmua nga peshkaqenët në Bahama.
Finley Downer pësoi plagë në të dyja këmbët dhe u desh të dërgohej në një klinikë shëndetësore lokale me një karrocë golfi.
Ai u tërhoq në siguri pasi u raportua se u sulmua nga rreth tre peshkaqenë ndërsa po notonte në një lagunë javën e kaluar.
Finley u dërgua më vonë në kryeqytetin Nassau për një operacion dhe për trajtim të mëtejshëm të plagëve të tij.
Familja tani është kthyer në shtëpi në Kettering, Northamptonshire, ku Finley po shërohet.
Babai i djalit, Michael Downer, 44-vjeç, i tha gazetës britanike “The Sun” se si Finley “mund të kishte vdekur”.
Downer kishte marrë Finley dhe dy fëmijët e tij të tjerë, Lily, nëntë vjeç dhe Emily, 12, në një pushim luksoz. Familja kishte kaluar pjesërisht nëpër turneun e tyre në pesë ishuj kur ndodhi sulmi në Compass Cay.
Ai tha se fëmijët kishin vendosur të bashkoheshin me një turmë njerëzish në një lagunë, në të cilën notonin peshkaqenë infermiere. Downer tha se ai papritmas “dëgjoi një britmë të tmerruar dhe pa disa peshkaqenë rreth Finley”.
“Kishte aq shumë gjak. Pjesët e këmbës së tij ishin varur. Ai vazhdonte të thoshte: “Babi nuk dua të vdes. Babi, nuk dua të shkoj në parajsë””, tha Downer.
Finley u tërhoq nga uji nga motra e tij më e madhe Lily, dhe Downer shpenzoi dy mijë funte në fluturimet për Nassau për operacionin urgjent.
