Trajneri i Senegalit, Aliou Cisse, mund të humbasë ndeshjen e 1/8 të finales së Kupës së Botës, pasi është sëmurë.
Ai nuk u paraqit as në konferencën para ndeshjes shkaku, teksa u konfirmua se nuk po ndjehet mirë me shëndet.
Kampionët e Afrikës do të përballen me Anglinë në këtë fazë. Kjo ndeshje do të zhvillohet sonte, teksa fituesi do të kalojë në çerekfinale.
Drejtuesit e çdo ekipi e kanë për detyrë të paraqiten në konferencë një ditë para ndeshjes, teksa Cisse u zëvendësua nga ndihmësi i tij, Regis Bogaert.
“Ai [Cisse] është i sëmurë prej disa ditësh. Ai na la të merremi me stërvitjen dje, padyshim me udhëzimet e tij për lojtarët. Shpresojmë që ai të jetë në gjendje të vijë dhe të jetë në pankinë me lojtarët”, tha Bogaert.
“Mund të konfirmoj se ai është i sëmurë dhe ka pak temperaturë, prandaj duhet të jemi të kujdesshëm me situatën e tij”, shtoi ai.
Edhe pse Anglia është favorit për të kaluar në raundin tjetër, Bogaert i ka bërë thirrje futbollistëve senegalezë që të frymëzohen nga fitoret befasuese të Kamerunit dhe Tunizisë ndaj Brazilit e Francës.
“Mesazhi është i fortë, ne kemi parë që Kameruni mund të mposht Brazilin dhe Tunizia mund të mundë Francën, kështu që ne e dimë se Senegali mund të mposht Anglinë. Kjo është ajo që ne synojmë. Ky është një mesazh i rëndësishëm”, deklaroi Bogaert.
