Në klinikën universitare “Shën Naumi Ohrit” në RMV, po mjekohen gjithsej 10 pacientë, te gjashtë prej tyre është kryer transplantimi i lëkurës për shkak se kishin djegie të shkallës së tretë, njoftoi drejtori i spitalit, Nebojsha Nastov.
Sipas tij, situata është fluide, dhe se gjendja e pacientëve mund të ndryshojë nga çasti në çast.
“Për momentin në klinik janë duke u hospitalizuar 10 pacient ku tek gjashtë është bërë transplantimi i lëkurës pasi ata ishin me shkallen e tretë të djegies së lëkurës tek pacientët e tjerët vazhdon fashimi i zakonshëm, sipas planeve që i kemi për momentin, por më duhet të përsëris se situata është fluide dhe mund të ndryshohet nga ora në orë”.
Pacientët me gjendje më kritike nuk ka, shtoi Nastov. Aktualisht në gjendje më kritike mbeten vetëm gjashtë pacientë të cilët po mjekohen jashtë vendit.
Nga e hëna fillon lëshimi i pacientëve për mjekim shtëpiak.
“Po ka përmirësim të gjendjes prej të Hënën tashmë do të ketë lëshime për në shtëpi të disa pacientëve, nga reparti ku vijë unë do të fillojë që të ketë lëshime për mjekim shtëpiak të pacientëve, unë edhe më herët paralajmërova që nga fillimi i javës së ardhshme do të ketë lëshime”.
Megjithatë, nesër priten protokolle për kthimin në vend të pacientëve të parë nga jashtë që janë në gjendje të mirë shëndetësore.
Aktualisht në vend po trajtohen 54 pacientë, 27 në Qendrën Klinike, 11 në Spitalin e Përgjithshëm “8 Shtatori”, 10 në Spitalin e Përgjithshëm të qytetit, ndërsa gjashtë pacientë po trajtohen në klinikat private./KlanMacedonia
Burimi: lajme24.mk
