Policia ka çuar në ndjekje penale vjehrrin dhe vjehrrën e 23-vjeçares nga fshati Togez i Librazhdit.
Përveç dhunimit, familjarët e bashkëshortit e kanë filmuar 23 vjeçaren dhe të gjitha videot janë bërë virale.
23-vjeçarja ka marrë edhe urdhër të menjëhershëm mbrojtjeje.
Bashkëshorti ishte emigrant në Londër. Kjo ishte hera e dytë që familja e burrit e kapte nusen me të dashurin.
Sipas informacioneve, nusja e ka shtëpinë në emër të saj dhe nuk ikën. Ajo shprehet se vjehrri dhe vjehrra duhet të ikin, pasi kur janë martuar babai i ka dhënë paratë për të ndërtuar shtëpinë.
Vajza ka shkuar tek shtëpia e prindërve në Gizavesh të Librazhdit.
Kujtojmë se videoja ku vjehrri, vjehrra dhe të tjerë gjejnë dhe dhunojnë të renë janë publikuar dhe bërë virale në rrjete sociale.
Ky rast i rëndë i shtohet listës së gjatë të ngjarjeve ku vajzat dhe gratë trajtohen si prona të burrave, pa të drejta dhe pa mbështetje, të cilat mund të diskriminohen, të dhunohen dhe më ekstremja, të vriten.
