Toshkovski në Samitin policor botëror në Dubai, u realizua takim me ministrin e Punëve të Brendshme të EBA-s

3

Shkup, 13 maj – Këto ditë me ftesë të ministrit të Punëve të Brendshme qëndroj në Emiratet e Bashkuara Arabe, ku do të marrë pjesë në Samitin policor botëror në Dubai, me ç’rast do të mbaj edhe fjalim, publikoi në profilin e tij në Fejsbuk, ministri i Punëve të Brendshme, Pançe Toshkovski.

Në kuadër të kësaj vizite, ministri Toshkovski ka realizuar takim bilateral me ministrin e Punëve të Brendshme të EBA-s, sheikun Saif bin Zajed al Nahjan. Ky është takimi i dytë i tyre për kohë të shkurtë, që është edhe një tregues për intensifikimin e marrëdhënieve dhe besimin e ndërsjellë mes dy vendeve.

“Biseduam për avancimin e bashkëpunimit strategjik të sigurisë, posaçërisht në fushën e luftës kundër krimit të organizuar transnacional, terrorizmit dhe kërcënimeve të reja të sigurisë, që nuk njohin kufij. Fokusi është vendosur në operacionalizimin e marrëveshjes tashmë të nënshkruar të bashkëpunimit në siguri, përmes formimit të ekipeve të përbashkëta operative dhe shkëmbimit të informacionit. Emiratet e Bashkuara Arabe mbeten një nga partnerët tanë në arkitekturën globale të sigurisë, ndërsa ky takim është një hap tjetër para në atë angazhim të përbashkët”, shkroi ministri i Punëve të Brendshme, Pançe Toshkovski në Fejsbuk.