Etrit Berisha ka humbur vendin e titullarit te Torino, ku duket se nuk bën më pjesë në planet e Juriçit për të ardhmen. Portieri shqiptar mund të ndërrojë skuadër në muajin e ardhshëm në mënyrë që të fitojë minutat që i mungojnë në Torino.
Sipas mediave italiane, gardiani 33-vjeçar mund të transferohet në radhët e Salernitanës.
Torino pëlqen Mazzocchi-n, i cili momentalisht është i dëmtuar dhe pritet të kthehet në fushë në muajin mars. Duke pasur parasysh dëshirën e drejtorit sportiv Vagnati-t, klubi nga Salerno ka hedhur sytë nga Etrit Berisha.
Portieri Sepe rrezikon të qendrojë dy muaj jashtë fushave, prandaj Salernitana po përpiqet të gjejë zëvendësuesin. Berisha duket profili i duhur. Portieri shqiptar ka një eksperiencë të gjatë mbi supe, si dhe është i pakënaqur me mosaktivizimin te Torino.
Megjithatë, klubi i Salernitanës nuk do të mjaftohet vetëm me këtë shkëmbim, pasi dëshiron edhe para shtesë për të shtërnguar duart në fund..
