Tom Holland dhe Zendaya janë dy nga yjet më të mëdhenj të Hollywood-it, dhe të dy rastisin shpesh në ngjarje të mëdha si premiera, ndarje çmimesh dhe evente të tjera madhështore duke qenë profesionistë të së njëjtës fushë, aktrimit.
Megjithatë, pavarësisht famës së tyre dhe marrëdhënies që e kanë bërë publike që nga viti 2021, është shumë e rrallë që t’i shohim të pozojnë së bashku në tapetin e kuq.
Çifti filloi të tërhiqte vëmendje që në vitin 2016, kur u shfaqën për herë të parë së bashku në filmin “Spider-Man: Homecoming”.
Prej asaj kohe, karriera e të dyve ka marrë hov të madh me Tom Holland që ka vazhduar të luajë në filma të Marvel-it, ndërsa Zendaya ka pasur suksese të mëdha me projekte si “Dune: Part Two” dhe “Challengers”.
Megjithatë, duket se mungesa e fotove të tyre së bashku nuk ka të bëjë me mungesën e mundësive, por me një zgjedhje të qëllimshme.
Burimi: botasot.info
