Një oficer sigurie nga Kenia vdiq në spital pasi u rrëzua nga lartësia në stadiumin Lusail, ku ishte në detyrë për ndeshjen e Kupës së Botës mes Holandës dhe Argjentinës të shtunën.
Sipas raportimeve të familjes, punëtori emigrant, John Njue Kibue, 24 vjeç, kishte rënë nga kati i tetë i stadiumit.
Ai ishte dërguar në Njësinë e Kujdesit Intensiv në Spitalin e Përgjithshëm Hamad në Doha me traumë të rëndë në kokë, fraktura të fytyrës dhe fraktura të legenit.
Njoftimi është bërë i ditur nga organizatorët e Botërorit, të cilët i kanë dërguar “ngushëllimet më të sinqerta” familjes, kolegëve dhe miqve të tij.
“Ky është punëtori i dytë migrant që vdes në vendin e punës që nga fillimi i turneut.”-bëjnë me dije organizatorët.
