Janë luajtur ndeshjet e javës së 12-të ët Kategorisë së Parë në basketboll për femra.
Flamurtari kampion fitoi pa problem 103-83 ndaj Elbasanit, në një ndeshje të dominuar nga basketbollistet vlonjate. Ndeshje e shkëlqyer e Johnson, që realizoi një “triple double”, me 29 pikë, 13 rebound e 11 asist.
Tirana mposhti 92-87 Partizanin në derbin kryeqytetas, në një takim me shumë emocione deri në fund. Palko realizoi 39 pikë e 12 rebound, por që s’mjaftuan për të evituar humbjen, ndërsa për Tiranën u dallua Klea Verri me 31 pikë.
Fiton edhe Studenti, që mundi 64-42 Tirana Barleti Basket, në një takim të dominuar nga vajzat e trajneres Mitku (Pëllumbi 17 pikë). Ndërsa Vllaznia, falë 17 pikëve të Livia Gjata, mundi 67-37 apoloninë e vendit të fundit.
Kategoria e Parë-Femra, java e 12-të
Tirana Barleti Basket – Studenti, 42-64
Apolonia – Vllaznia, 37-67
Partizani – Tirana, 87-92
Flamurtari – Elbasani, 103-83
Renditja: Flamurtari 23 pikë, Partizani 21 pikë, Tirana 21 pikë, Studenti 20 pikë, Vllaznia 17 pikë, Tirana Barleti Basket 16 pikë, Elbasani 14 pikë, Apolonia 12 pikë.
