Në Luksemburg, është hedhur sot shorti i kupave të Europës në volejboll për sezonin 2022-2023.
Skuadra e vetme shqiptare që do të luajë në arenën ndërkombëtare është Tirana për meshkuj.
Skuadra kampione e Shqipërisë do të luajë në CEV Challenge Cup dhe përballë bardhebluve do të jetë skuadra sllovake e Rieker Komarno, kampione në vendin e saj.
Një rival i fortë për Tiranën, pasi skuadra sllovake sezonin e kaluar ka luajtur në Champions League dhe ka një kontigjent të mirë lojtarësh.
Ende nuk është përcaktuar se ku do të luhet sfida e parë dhe datat e këtij raundi.
