Harry Maguire ka qenë një ndër futbollistët më të kritikuar të Manchester Utd.
Forma e dobët e treguar nga ana e lojtarit anglez ka shtyrë tifozët të krijojnë një peticion për t’i hequr shiritin e kapitenit të skuadrës.
Nga ajo çka raporton “The Sun”, tifozët e “Djajve të kuq” janë bërë bashkë në këtë nisëm kundër përfaqësimit të skuadrës në fushë nga ana e 29-vjeçarit.
Peticioni deri më tani ka mbledhur 20 mijë firma dhe pritet të shihet se çfarë do të ndodhë me shiritin e kapitenit te skuadra e Manchester Utd, dhe të ardhmen e futbollistit anglez në klub.
