Para ndeshjes së “FinalEight” të Kupës së Kosovës mes klubit basketbollistik Peja dhe Sigal Prishtinës, ka ndodhur një incident jashtë palestrës sportive “Karagaqi” në Pejë.
Lajmin e ka konfirmuar zëdhënësi i Policisë Rajonale për Pejë Fadil Gashi, i cili tregoi që në këtë incident ka edhe persona të lënduar.
“Autobusi i Prishtinës gjersa ka qenë duke u parkuar te palestra sportive në Karagaq në Pejë është dëmtuar me mjete të forta, ku është lënduar edhe vozitësi, dhe shoferi ka marrë tretman mjekësorë, kurse është konfirmuar edhe një i lënduar i cili ka refuzuar me çdo kusht që të marrë tretmanin mjekësorë”, tha Fadil Gashi.
Po ashtu, zëdhënësi Gashi tregoi që pas rastit ende nuk ka të arrestuar.
