“Pagerët” e anëtarëve të organizatës libaneze, Hezbollah kanë shpërthyer në të njëjtën kohë duke shkaktuar viktima dhe lëndime të njerëzve.
Tetë persona kanë vdekur deri më tani, ka njoftuar ministria e Shëndetësisë e Libanit, shkruan skynews.
Hezbollahu tha më parë në një deklaratë se tre persona kishin vdekur – dy luftëtarë dhe një vajzë.
Është e mundur që kjo shifër të rritet me kalimin e kohës ndërsa po vazhdojnë shpërthimet.
Sipas AP, një zyrtar i Hezbollahut tha se të paktën 150 njerëz, përfshirë anëtarë të grupit, u plagosën në pjesë të ndryshme të Libanit kur shpërthyen pajisjet e tyre.
Ministria e Shëndetësisë e Libanit u bëri thirrje spitaleve që të jenë në gjendje gatishmëri për të pranuar pacientët ndërsa njerëzit që kanë “pager” t’i çaktivizojnë sepse janë hakuar.
Gjithashtu u kërkoi punonjësve shëndetësorë që të shmangin përdorimin e pajisjeve me valë.
AP tha se fotografët e tyre kishin parë dhomat e urgjencës spitalore të mbingarkuara me pacientë, shumë me lëndime gjymtyrësh dhe disa në gjendje të rëndë.
Burimi: botasot.info
