Një person ka tentuar të grabisë një bankë të nivelit të dytë në qytetin e Korçës. Ngjarja raportohet se ka ndodhur në orët e vona të së shtunës, ndërsa është publikuar edhe një foto e autorit të dyshuar, i cili shfaqet i pamaskuar, ndërsa në dorë mban një telefon, i cili është në pozicionin për të filmuar veten.
Në momentin që ka hyrë brenda ka rënë alarmi dhe menjëherë kanë shkuar shërbimet e Policisë.
Sipas uniformave blu personi që kishte hyrë në ambientet e bankës porsa ka konstatuar Policinë është larguar me shpejtësi pa marrë asnjë gjë nga brenda bankës.
Policia po punon per identifikimin dhe kapjen e autorit.
Korçë/Informacion paraprak.
Rreth orës 22:04, një shtetas ende i paidentifikuar ka hyrë me forcë brenda një banke të nivelit të dytë në lagjen nr.3 në qytetin e Korçës, i cili ka shtyrë me forcë derën e jashtme.
Në momentin që ka hyrë brenda ka rënë sinjali dhe menjëherë kanë shkuar shërbimet e Policisë.
Shtetasi që kishte hyrë në ambientet e bankës porsa ka konstatuar Policinë është larguar me shpejtësi pa marrë asnjë gjë nga brenda bankës.
Shërbimet e Policisë janë vënë në ndjekje dhe kanë rrethuar zonën ku dyshohet se është fshehur autori.
Grupi hetimor nën drejtimin e Prokurorisë vijon punën, për të bërë të mundur identifikimin e autorit.
Burimi: botasot.info
