Temperaturat e mëngjesit kudo mbi zero, përveç në Berovë me -1 gradë

5

Shkup, 8 janar – Temperaturë nën zero mëngjesin e sotëm është matur vetëm në Berovë, -1 gradë.

Siç kumtoi DPHM-ja, në orën 8:30 janë matur 2 gradë në Kodrën e Diellit, në Kriva Pallankë dhe Shtip, 3 gradë në Strumicë, Kavadar, Veles, Kumanovë, Lazaropole dhe Vinicë, 4 gradë në Shkup-Zajçev Rid, Shkup-Petrovec, Tetovë, Prilep dhe Hanet e Mavrovës, 5 në Manastir dhe Krushevë, 8 gradë në Gjevgjeli, Demir Kapi dhe Pretor dhe 9 gradë në Ohër dhe Dibër.

Në Hanet e Mavrovës dhe Pozharanë në 24 orët e fundit është matur 1 litër sediment ujor për metër katror. Shtresë dëbore ka në Kodrën e Diellit (42 centimetra), në Hanet e Mavrovës 32 centimetra dhe në Krushevë 7 centimetra.

Gjatë natës dhe mëngjesit të sotëm moti është i ndryshueshëm me vranësira, nëpër lugina të veçanta me paraqitje të mjegullës. DPHM kumtoi se në Tetovë dukshmëria horizontale është e kufizuar në 500 metra dhe do të fryjë erë e dobët deri mesatare kryesisht nga drejtimi jugor.

Gjatë ditës do të mbajë mot me diell dhe relativisht i ngrohtë me vranësira të ulëta deri mesatare dhe me erë të dobët deri mesatare nga drejtim jugor. Në disa lugina do të ketë mjegull ose vranësira të ulëta. Temperaturat maksimale do të arrijnë nga 6 deri në 15 gradë.

Në Shkup kryesisht me vranësira dhe qetë me paraqitje të mjegullës. Temperatura maksimale do të arrijë deri në 6 gradë.