Kryetari i Partisë Socialdemokrate, Tom Doshi ka zhilluar një takim elektoral në Shkodër ku ka theksuar se ai dhe ekipi i tij po sulmohen si nga PS dhe nga PD.
Doshi ka deklaruar se sot të vjen turp kur sheh gjysmën e qeverisë në burg dhe nën hetim ndërsa nuk kurseu as kryetarin e Bashkisë Shkodër Benet Becin duke thënë se Ps ka një drejtues fushate që është i pandehur.
“I kam 20 vjet me ju, kjo është e gjashta herë që kandidoj në Shkodër. Ju kam shërbyer me sa mundësi kam pasur. Më shumë na kanë sulmuar se na kanë mbështetur. 8 vjet ishte Berisha, 12 vjet Rama, vijnë sot dhe kërkojnë votën.
Në 2013 Berisha ka lënë pushtetin si i korruptuar edhe sot të vjen zor ku sheh gjysmën e qeverisë në burg dhe nën hetim.
Shumëkush thotë pse po e sulmon qeverinë. Ne nuk mund ta marrim në mbrojtje. Njerëzit që vjedhin qytetarët nuk na përkasin ne.
Kryetari i bashkisë Shkodër është i pandehur. Si mund të drejtojë fushatën një njeri që ka vjedhur qytetarët. Ne kemi një ekip më të mirë se dy forcat e tjera politike që na sulmojnë përditë.
Programi ynë është social është për të varfërit”, tha Doshi.
Burimi: botasot.info
