Të shtëna me armë zjarri janë shënuar këtë të martë në qytetin bregdetar të Sarandës.
Ngjarja ka ndodhur në lagjend nr.1 të qytetit në rrugën e 4. Burime për Euronews Albania bëjnë me dije se ka mbetur i plagosur një person.
Në vendngjarje ka mbërritur policia shkencore, ku ka rrethuar një mjet tip BMW dhe një motor.
Nuk dihen ende identitetet e personave të përfshirë në konflikt.
Policia dhe grupi hetimor ndodhen në vendngjarje dhe po punojnë për zbardhjen e plotë të asaj që ka ndodhur.
