Të shtëna me armë në një shkollë në Tajlandë, 6 të vdekur dhe 15 të plagosur

Gjashtë persona janë vrarë dhe të paktën 15 janë plagosur në një të shtënë me armë në një shkollë në Tajlandë, tha policia. Personi i armatosur, një nxënës 14-vjeçar, kreu vetëvrasje pas sulmit.

Gjashtë persona janë vrarë dhe të paktën 15 të tjerë janë plagosur në një të shtënë me armë në shkollën Debsirin Nonthaburi në provincën Nonthaburi të Tajlandës, tha policia tajlandeze.

Dy persona të plagosur janë në gjendje kritike.

Policia tha se para të shtënave në shkollë, sulmuesi vrau gjyshërit e tij në shtëpi.

Të shtënat u raportuan rreth orës 10:00 të mëngjesit në një shkollë në distriktin Bang Kruai, pas së cilës policia dhe forcat speciale u dërguan në vendngjarje për të vënë situatën nën kontroll, raportoi portali Nation Thailand .

Qendra e Komandës së Incidenteve në Provincën Nonthaburi tha më parë se sulmuesi besohet të jetë një nxënës, i armatosur me armë dhe brenda shkollës, duke nxitur vendosjen e forcave speciale.

Policia tajlandeze njoftoi më vonë se sulmuesi kishte kryer vetëvrasje.

Shkolla njoftoi se do të lëshojë një deklaratë zyrtare ndërsa autoritetet vazhdojnë të hetojnë incidentin.