Të paktën 27 persona, përfshirë fëmijë, u vranë dhe 100 të tjerë u plagosën në një sulm ajror të realizuar nga Izraeli ndaj një shkolle që ishte shndërruar në strehë për civilët e zhvendosur në Gaza të enjten.
Zëdhënësi i agjencisë së mbrojtjes civile të Gazës, Mahmud Bassal tha për AFP se numri i të vdekurve ishte rritur në 27, me më shumë se 100 të tjerë të plagosur.
Sulmi ishte i fundit në një sulm të ripërtërirë që ka vrarë më shumë se 1 mijë e 160 viktima dhe ka plagosur mbi 2 mijë e 700 që nga 18 marsi, duke shkatërruar marrëveshjen e armëpushimit dhe shkëmbimit të të burgosurve të janarit midis Izraelit dhe grupit palestinez të rezistencës Hamas.
Që nga tetori 2023, mbi 50 mijë e 250 palestinezë, kryesisht gra dhe fëmijë, janë vrarë dhe më shumë se 114 mijë janë plagosur.
Autoritetet juridike ndërkombëtare kanë ndërmarrë veprime kundër Izraelit, me Gjykatën Penale Ndërkombëtare (ICC) duke lëshuar urdhër-arreste për liderët izraelitë me akuza për krime lufte dhe krime kundër njerëzimit, ndërkohë që një çështje gjenocidi po vazhdon në Gjykatën Ndërkombëtare të Drejtësisë.
Burimi: botasot.info
