U zyrtarizua takimi mes dy kryeministri Dimitar Kovacevski dhe liderit të VMRO DPMNË-së Hristijan Mickoski. Takimi I liderëve do të mbahet të mërkurën në klubin e deputetëve dhe do të ketë në fokus dy tema. Njëra do të jetë, sjellja e vendimeve për Eurointgrimet e vendit dhe e dyta do të jetë Aktivitet e të gjithë politikanëve në Maqedoni në lidhje me marrëdhëniet me fqinjët. Edhe pse takimi është pas 2 ditëve, deklaratat e ashpra nuk ndalen nga dyja palët.
“Nuk mund të pohojnë diçka që është fiksim, ata me fiksime po merren gjatë gjithë kohës, së pari ftesa është dorëzuar deri tek VMRO-DPMNE-ja në të cilën shumë qartë thuhet të zgjedhin e në cilin format duan të jetë takimi, a të jetë, 1+0,1+1,1+2, varësisht nga ajo nëse kanë besim që të bisedojnë njëri para tjetrit apo duan takim të vetëm dhe unë lash të zgjedhin udhëheqësi e VMRO-DPMNE-së ose kryetari i VMRO-DPMNE-së”, tha kryeministri Dimitar Kovaçevski.
Në lidhje më këtë takim shumë të përfolur dhe komentuar, disa orë më parë në faqen zyrtare të VMRO-DPMNE-së është publikuar një status në të cilin shkruhet:
“Nëse kemi një takim liderësh pa përmbajtje dhe përfundim, është më mirë të mos e kemi”, thonë nga VMRO-DPMNE.
E Kryeministri Kovaçevski tha se përfundimi dihet, ose rruga drejt BE-së ose izolimi?
“Përfundimet janë shumë të thjeshta, në njërën anë kemi integrimin në BE dhe në anën tjetër izolimin, unë shpresoj që atë që e duan të gjithë qytetarët do ta zgjedhin të gjithë politikanët, ajo është integrimi I shtetit në BE”, deklaroi kryeministri Dimitar Kovaçevski.
Kryeministri Kovaçevski tha se në takim pret një bisedë të hapur për të gjitha aspektet e dy temave, duke shprehur shpresën se do të gjejnë një gjuhë të përbashkët se si të vazhdohet drejt integrimit në BE, sepse, siç tha ai, në të kundërtën është izolim që po e shohin të gjithë qytetarët në vend. Takimi do të mbahet të mërkurën në ora 11:00 në Klubin e deputetëve.
Burimi: TV21
