Shefja e Bankës Qendrore Evropiane, Christine Lagarde ka deklaruar se tarifat e propozuara nga presidenti amerikan Donald Trump do të ndikojnë negativisht në të gjithë botën.
“Do të jetë negative në të gjithë botën dhe dendësia dhe qëndrueshmëria e ndikimit do të ndryshojnë në varësi të fushëveprimit, në produktet e synuara, për sa kohë zgjat nëse ka apo jo negociata, ” ajo tha në një intervistë në radio Newstalk të Irlandës.
Administrata Trump ka vendosur sot të bëjë të ditur “tarifat reciproke” ndaj vendeve të tjera në raport me mallrat e SHBA. Këto tarifa pritet të vendosen ndaj produkteve nga Meksika, Kina dhe Kanadaja partnerët më të mirë tregtarë amerikanë.
Sipas Lagarde ka ende pak punë për të bërë sa i përket inflacionit të zonës së euros në mënyrë të qëndrueshme në qëllimin e tij 2% .
“Tani jemi shumë afër objektivit kështu që procesi dezinflacionist është duke u zhvilluar por ne jemi mjaft të kënaqur me punën që kemi bërë”, tha ajo.
Burimi: botasot.info
