Taravari: Në protestën në Gostivar kishte njerëz të VLEN-it që janë përdorues të narkotikëve

Duke folur për protestën e organizuar në komunën e Gostivarit, ku disa banorë kërkonin ujë të pijshëm, madje u thyen edhe xhamat e objektit të komunës, kryetari i ASH-së, Arben Taravari, tha se bëhet fjalë për defokusim të opinionit, për shkak se sic tha ai, kryetari aktual i komunës është duke realizuar 20 projekte paralelisht.
Ai tha se nuk mund të fajësojë kryetarin e partisë së BDI-së apo degës së BDI-së në Gostivar se ato janë të përfshirë në organizimin e protestave por tha ai se janë kryesisht njerëz të VLEN-it, të cilët sipas tij, i njohin shumë mirë.
“Disa bile përdorues të narkotikëve, e them publikisht që i njohim në Gostivar si njerëz… Ato foto video qarkullojnë në rrjetet sociale, ne i dimë Gostivari i di, disa prej tyre janë përdorues të drogave dhe kjo dihet publikisht”, tha Taravari.