Kryetari i Aleancës për Shqiptarët, Arben Taravari, ka reaguar pas njoftimit se Vetëvendosje, Lëvizja Demokratike, Alternativa dhe Lëvizja Besa kanë rënë dakord që të bashkohen në një parti të vetme.
“Gëzohem që VV, LD, Alternativa dhe Lëvizja Besa kanë rënë dakord që të bëhen një parti. I uroj suksese këtij projekti politik”, ka deklaruar Taravari.
Megjithatë, ai theksoi se Aleanca për Shqiptarët nuk ka marrë asnjë ftesë për t’u bërë pjesë e këtij unifikimi politik.
“ASH-ja nuk ka pasur ftesë për t’u bashkuar”, shtoi Taravari, duke lënë të hapur pikëpyetjet për qëndrimin e kësaj partie në skenën e re politike shqiptare në Maqedoninë e Veriut.
Burimi: lajme24.mk
