Kandidati për president nga radhët e VLEN, Arben Taravari tha se platforma e tij do të ketë katër shtylla kryesore, integrimin e vendit në rajon dhe Europë, Maqedonia si prodhuese e sigurisë, shtet i së drejtës dhe vend me demokraci konsensuale. Taravari tha se do të kërkojë garanci nga BE, që mos të ketë kërkesa shtesë në rrugën drejt anëtarësimit të vendit në BE, pas ndryshimeve kushtetuese.
“Do të kërkojmë garanca nga përfaqësues i lartë i BE-së, që pas ndryshimeve kushtetuese, nuk do të ketë kërkesa shtesë për RMV-në, përtej kornizës negociuese të vitit 2022”, tha Taravari.
Taravari tha se gjithashtu do të kërkojë[ largimin e 20 përqindëshit nga Kushtetuta, që i referohet gjuhës shqipe.
“Do të kujdesem që nga Kushtetuta të eliminohet përkufizimi fues i gjuhës shqipe si gjuhë tjetër që e flasin mbi 20 për qind e qytetarëve dhe që gjuha shqipe me alfabetin e saj të jetë gjuhë zyrtare në tërë territorin e Republikës, në nivel të barabartë me gjuhën maqedonase”, theksoi Taravari.
Burimi: tv21
