Presidenti i Azerbajxhanit, Ilham Aliyev dhe kryeministri i Armenisë, Nikol Pashinyan do të takohen me presidentin e Këshillit Evropian, Charles Michel në Bruksel më 14 maj, transmeton Anadolu.
Në njoftimin e Këshillit Evropian thuhet se treshja do të takohet me presidentin francez Emmanuel Macron dhe kancelarin gjerman Olaf Scholz në margjinat e samitit të Komunitetit Politik Evropian që do të mbahet më 1 qershor.
Michel ka propozuar që presidenti azerbajxhanas dhe kryeministri armen në takimin e radhës të Komunitetit që pritet të mbahet në tetor në Spanjë të takohen me presidentin francez dhe kancelarin gjerman.
Aliyev dhe Pashinyan u takuan për herë të parë më 14 dhjetor 2021 nën udhëheqjen e Michel, për të zgjidhur çështjet e diskutueshme midis dy vendeve.
Takimi i fundit i formatit trepalësh u mbajt më 31 gusht 2022.