Kryediplomati Bujar Osmani në kuadër të Samitit të NATO-së në Vilnius është takuar me të parin e Diplomacisë amerikane, Sekretarin e shtetit Entoni Blinken.
Maqedonia e Veriut në mandatin e Bujar Osmani është maksimalisht e përkushtuar në avancimin e marrëdhënieve me SHBA-në. Kjo ka rezultuar me Dialogun Strategjik, që po i jep edhe frytet e para. Ministri Osmani i ka shprehur Sekretarit të shtetit amerikan mirënjohje për mbështetjen e pahamendur ndaj procesit tonë të integrimit europian si një kontribut i rëndësishëm për stabilitetin dhe progresin e vendit dhe të gjithë rajonit.
Osmani ka njoftuar Blinkenin edhe me ballafaqimin e sfidave në kuadër të kryesimit të Maqedonisë së Veriut me OSBE.
Blinken ditë më parë e ka vlerësuar lartë kryesimin e OSBE-së nga Maqedonia e Veriut, respektivisht kryesuesit Bujar Osmani.
“Kryesimi i deritanishëm i Maqedonisë së Veriut me OSBE-në është fantastik!”, ka thënë Blinken.
